ieab's Chrischtkend, willsch Du mir ebb's schenka,
i'h tät dau an so manches denka:
An Hafa, der wo selber kocha kah,
an Ehemah, der geara schpüala ma'.

An Automat, wo allweil `s Geld raushupft,
und a Häckale, wo selber `s Ohkraut zupft.
An Maulkorb für mei lieaba Schwiegermuatt'r,
an halba Zentner Katzafuatt'r.

A Zwergle, wo em Opa sei Gebiß nauchtrait
und d' Triangel in der Hos' zemnait.
An Kopf, der ganz g'wiß nix vergisst
und a Familie, dia, was i'h koch, au ohne maula isst:

Und nau vielleicht no für mei Modellfigur
in Größe 36 a Sonntagshäsmontur.
Lauter Wünsch, dia bloß's Chrischtkendle erfülla kah,
jetzt probier i'h `s halt und schreib `s mal auf da Zett'l na.

Zusätzliche Informationen