Griaß eich Gott ihr lieaba Leit,
isch schea, dass dr alle komma seit.
A ...... gar war mea an d'r Zeit,
drum hot dr ............. glada heit.

A Gschenk, des isch dia Frage no,
was hot er scho, was bracht er no?
Drum bring i des und hoff dann sehr,
mit deam Schubbkarra isch ihm nix zu schwer.

I will mi jetzt mit deam Karra do befassa,
noch deam die d' große Maschinea mea verlassa.
Aber pass auf, ma sollts it unterschätza,
zu was ma dean Karra ko alls eisetza.

Solltesch Du vielleicht erwäga
und amol an Garta mega,
brausch Du dean Karra unbedingt,
wenn des Gras mit Unkraut umringt.
Bloß wenn i mi dussa umschau,
bleibt dea Karra wohl no a Weile stau!

Derweil kannschen oh anderscht nutza,
vielleicht zum Maura und Verputza.
Denn selbst bei am so nobla Haus,
muass manchmol no a Stückle Mauer raus.
I hoff zwar des isch endgültig vorbei,
aber ma ko niea sicher sei.

Sollt sich's amol ergeba
und der ...................... (Ehemann) einen heba
isch dia ..................... (Vorträger) glei zur Stell
mit deam ..................... (Automarke)-Vergleichsmodell.

Des isch sogar no glei viel besser
sollt auf `m Rückweag sei Dei Essa.
Dann kannsch Dir des Fenschterkurbla spara,
muasch die halt auf'd Seita num loana.
Denn dann macht doe Speiberei,
überhaupt koi Sauerei.
Der Vorfall isch dann schnell vergessa,
mit Hilfe natürlicher Air-Kondescha.

Für d'Figur ganz unerlässlich
willsch ja sportlich sei, it hässlich,
kannsch Du dean ganz nach Belieba
heba, senka oder schieba.
Voll belada oder leer,
bleibsch Du sicher muskulär.

Für jedes Fescht - ob alt - ob jung,
hält dea Karra die in Schwung.
Jetzt isches no immer it vorbei
mit der ganza Aufzählerei.

Sollt Di amol a Nachtbar nerva,
kasch in Karra an Mischt neiwerfa,
ean dann über Grenz numschieba
wo er umfällt nach belieba.

Sollt amol in einigen Jahren,
Dei Auto nemma fahra
kasch Du ganz gelassa saga
da stoht er ja, der Ersatz-Waga.

O zum Einkofa - keine Frage
mit viel Platz und Kurvenlage
isch der Karra eifach ung bequem
gut zum Parka außerdem.

Ansonschta TÜV-geprüft, geölt, geschmiert
hält der a Lebtag - Garantiert!